سؤال n8n self hosted vs cloud بيجيلي من كل دفعة تقريباً، وعادة بعد ما التجربة المجانية لـ n8n Cloud تخلص. الإجابة المختصرة: n8n Cloud أسهل وبتدفع عليه اشتراك باليورو، و n8n على سيرفرك أرخص ومفيهوش حد executions، بس المسؤولية كلها عليك. التفاصيل هي اللي بتفرق، فهمشي معاك فيها واحدة واحدة: السيرفر اللي محتاجه، مين بيحدّث ومين بياخد نسخة احتياطية، البيانات بتتخزن فين، وحسبة سنة كاملة.
المحتوى
- الفرق باختصار
- n8n server requirements: السيرفر اللي محتاجه
- التحديثات والنسخ الاحتياطي على مين؟
- البيانات بتتخزن فين؟
- n8n self hosted vs cloud بالأرقام: حسبة سنة
- إمتى تختار كل واحد
- أسئلة شائعة
الفرق باختصار
n8n Cloud: n8n بتشغّل البرنامج على سيرفراتها، وإنت بتفتح المتصفح وتشتغل. بتدفع اشتراك شهري أو سنوي، وكل باقة ليها عدد executions في الشهر.
n8n على سيرفرك (self-hosted): إنت بتأجّر VPS أو بتستخدم سيرفر في الشركة، وتركّب عليه n8n بـ Docker. من غير license key بيشتغل كنسخة Community المجانية، وفيها تقريباً كل المميزات ومن غير عداد executions.
توثيق n8n نفسه بيقول إن الـ self-hosting محتاج خبرة في السيرفرات والـ containers والأمان، وإن الغلط ممكن يوصل لضياع بيانات أو توقّف. وده اللي بيحصل فعلاً لما سيرفر يتساب من غير متابعة شهور.
n8n server requirements: السيرفر اللي محتاجه
n8n برنامج خفيف. توثيق n8n Cloud بيقول إن البرنامج لوحده بياخد حوالي 180 MB RAM، وإن باقة Starter على Cloud شغالة على 320 MB RAM بس. يعني n8n نفسه مش هو اللي بيحدد حجم السيرفر، اللي بيحدده الـ workflows بتاعتك: كام واحد شغال في نفس الوقت، وقد إيه بيانات بيعالج، وهل فيه ملفات.
اللي بنصح بيه عملياً، ومتوافق مع التوثيق:
| الاستخدام | السيرفر المقترح |
|---|---|
| تعلّم وتجارب | 1 GB RAM يكفّي، أو جهازك نفسه بـ Docker |
| شركة صغيرة، workflows عادية وقاعدة بيانات Postgres | 2 GB RAM (توثيق n8n بيقول إن أصغر سيرفرات Hetzner، CPX11، كفاية لأغلب الاستخدام) |
| n8n مع n8n Assistant (الـ sandbox اللي بيشغّل كود AI) | 4 GB RAM و 2 vCPU على الأقل، حسب دليل Docker Compose |
| ملفات كتير أو آلاف الصفوف في كل تشغيلة | ابدأ بـ 4 GB وراقب الاستهلاك |
| لحد حوالي 50 workflow شغّال | 2 vCPU و 4 GB RAM و 40 GB تخزين |
محتاج كمان تلات حاجات مع السيرفر:
دومين و HTTPS. خدمات زي Telegram بتطلب رابط HTTPS للـ webhook، فلازم دومين (أو subdomain) وشهادة SSL.
Docker. التوثيق بيقترح Docker Compose للإنتاج. ومن n8n 3.0، اللي موعده أكتوبر 2026، n8n على سيرفرك لازم يشتغل بـ Docker، والتركيب بـ npm أو npx n8n مش مدعوم.
قاعدة البيانات. n8n بيستخدم SQLite افتراضياً، وده كويس للبداية. للإنتاج أنا بفضّل Postgres، وده مدعوم رسمياً.
خطوات التركيب نفسها في مقال تثبيت n8n على VPS بـ Docker.
التحديثات والنسخ الاحتياطي على مين؟
ده الفرق الحقيقي اللي الناس بتنساه.
على n8n Cloud: من Manage > Workspace في قسم Updates & maintenance بتختار نسخة n8n اللي شغالة وبتختار release track: Stable أو Beta. n8n بتنصح بـ Stable لأي شغل مهم. تغيير النسخة بيعمل restart دقيقة أو اتنين. والنسخ الاحتياطي على n8n: صفحة الأمان بتقول إنهم بياخدوا backup يومي لكل البيانات في region تانية في نفس البلد.
على سيرفرك: كل ده عليك.
- التحديث: التوثيق بيقول حدّث مرة في الشهر على الأقل، واقرا الـ release notes قبل ما تحدّث عشان الـ breaking changes، وخد backup كامل قبلها.
- النسخ الاحتياطي: الـ backup الكامل حاجتين. فولدر
.n8n(فيه مفتاح التشفير، ولو SQLite فيه قاعدة البيانات نفسها)، وقاعدة Postgres لو بتستخدمها. من غير مفتاح التشفير الـ credentials مش هتترجع حتى لو عندك قاعدة البيانات. - الأمان: تحديثات نظام التشغيل، الـ firewall، وكلمات سر قوية.
أوامر الـ CLI بتصدّر الـ workflows والـ credentials بس، ومش بتصدّر المستخدمين ولا سجل الـ executions:
n8n export:workflow --backup --output=backups/workflows/
n8n export:credentials --backup --output=backups/credentials/
البيانات بتتخزن فين؟
n8n Cloud مستضاف على Microsoft Azure، والبيانات في الاتحاد الأوروبي على سيرفرات في فرانكفورت، ألمانيا. البيانات متشفّرة في التخزين وأثناء النقل.
على سيرفرك، البيانات في المكان اللي إنت تختاره. ده مهم لشركة في السعودية أو مصر عندها سياسة داخلية بتقول بيانات العملاء أو الموظفين ماتخرجش برا البلد أو برا الشركة. لو شركتك عندها سياسة زي دي، اسأل فريق الـ compliance قبل ما تختار، لأن مكان الـ n8n لوحده مش كفاية: لو الـ workflow بيبعت البيانات لـ OpenAI، يبقى البيانات خرجت برضه.
n8n self hosted vs cloud بالأرقام: حسبة سنة
الأرقام في سبتمبر 2026، على 59 ج.م لليورو و 52 ج.م للدولار. راجع صفحة أسعار n8n وصفحة مزوّد السيرفر قبل ما تقرر.
| الاختيار | في السنة (تقريباً) | executions |
|---|---|---|
| n8n Cloud Starter (دفع سنوي 20 يورو / شهر) | 240 يورو، حوالي 14,200 ج.م أو $272 | 2,500 في الشهر |
| n8n Cloud Pro (دفع سنوي 50 يورو / شهر) | 600 يورو، حوالي 35,400 ج.م أو $680 | 10,000 في الشهر |
| سيرفرك، 2 GB على DigitalOcean، وإنت بتركّب وبتتابع | $144، حوالي 7,500 ج.م | من غير حد |
| سيرفرك + تركيب مني (مرة واحدة) | حوالي 12,000 ج.م أول سنة ($334)، وبعدها 7,500 | من غير حد |
| سيرفرك + تركيب + رعاية شهرية مني | حوالي 30,000 ج.م أول سنة | من غير حد |
الحسبة الصريحة: لو استخدامك أقل من 2,500 execution في الشهر ومفيش حد عندك يفهم في السيرفرات، Starter أرخص من سيرفر برعاية مدفوعة. لو استخدامك أعلى، أو ماسك الموضوع بنفسك، أو محتاج البيانات عندك، السيرفر الخاص بيكسب بفرق كبير. workflow واحد بيشتغل كل 5 دقايق بيستهلك حوالي 8,600 execution في الشهر، وده لوحده محتاج Pro على Cloud.
إمتى تختار كل واحد
n8n Cloud لو لسه بتتعلم، أو عندك workflows قليلة، أو مفيش حد يتابع سيرفر، أو محتاج تبدأ النهارده. مناسب لمكتب عقارات في الرياض عنده workflow أو اتنين للـ leads.
سيرفرك لو عندك workflows بتشتغل كتير أو شات بوت عليه ضغط، أو فريلانسر بيبني لعملاء، أو شركة البيانات عندها لازم تفضل جوا. مناسب لمتجر عنده webhook من كل طلب، أو فريق HR بيعالج CVs.
ولو السيرفر الخاص هو الأنسب بس مش عايز تدخل في Docker والـ SSL والـ backups، دي خدمة n8n على سيرفرك: أختارلك السيرفر، أركّب n8n بدومين و SSL و Postgres ونسخ احتياطي يومي، وأشرحلك في 45 دقيقة. 4,500 ج.م مرة واحدة ($190)، والسيرفر باسمك. ترخيص n8n بيسمح بالظبط بده: إني أركّب وأدير n8n على سيرفر العميل، طالما مش أنا اللي مستضيفه. ولو عايز أتابعه كل شهر فيه رعاية السيرفر بـ 1,500 ج.م في الشهر ($59).
لو لسه محتار في موضوع السعر نفسه، ارجع لمقال هل n8n مجاني؟. ولو عايز تشوف الاتنين شغالين قبل ما تقرر، احضر ورشة n8n المجانية.
أسئلة شائعة
ينفع أبدأ على Cloud وأنقل لسيرفري بعدين؟
أيوه. الـ workflows بتتصدّر JSON وتتعمل import. الـ credentials بتتعمل تاني على السيرفر الجديد، وده أأمن.
هل n8n على سيرفري أبطأ من Cloud؟
مش بالضرورة. باقة Starter على Cloud شغالة على 320 MB RAM، وسيرفر 2 GB بتاعك عنده مساحة أكبر بكتير. السرعة بتعتمد على السيرفر والـ workflows.
ينفع أشغّل n8n على جهازي في البيت؟
للتعلّم أيوه. للإنتاج لأ، لأن الجهاز لازم يفضل شغال ومعاه رابط HTTPS ثابت عشان الـ webhooks.
محتاج Postgres ولا SQLite كفاية؟
SQLite كفاية للبداية والتجارب. للإنتاج بفضّل Postgres لأنه أثبت مع البيانات الكتير وأسهل في الـ backup وهو شغال.
اللي بعمله أنا
بشغّل n8n على سيرفري لنفسي ولعملائي اللي عندهم IT. ولمسوّق لوحده ومعندوش وقت للسيرفر، بنصح n8n Cloud.
