سياسة الخصوصية

البيانات اللي بنجمعها

بيانات بتكتبها بنفسك: الاسم، البريد الإلكتروني، رقم الموبايل، الدولة، وأي ملاحظة بتبعتها.
بيانات التعلّم: الدروس اللي خلصتها، مكان وقوفك في كل درس، والتكليفات اللي سلّمتها.
بيانات الدفع: قيمة الطلب وحالته ورقمه المرجعي. بيانات الكارت نفسها بتروح لشركة الدفع مباشرة، وإحنا ما بنشوفهاش ولا بنخزّنها.
بيانات الاستخدام: الصفحات اللي زرتها ومن فين جيت، بنظام تحليلات بنشغّله بنفسنا على السيرفر بتاعنا.

ما بنبيعش بياناتك ولا بنأجّرها لأي حد. بنشاركها فقط مع الجهات اللي لازمة عشان الخدمة تشتغل:

شركة الدفع الإلكتروني والشركات التابعة ليها، عشان تنفّذ عملية الدفع والاسترداد. ده بيشمل اسمك وبريدك ورقم موبايلك وقيمة الطلب.
مزوّد البريد الإلكتروني اللي بنبعتلك منه.
الجهات الرسمية لو طلبت كده بشكل قانوني.

بعض الخدمات اللي بنستخدمها بتعالج البيانات على سيرفرات برّه مصر. لما بتحجز أو بتدفع، إنت بتوافق على النقل ده في الحدود اللازمة لتقديم الخدمة.

بنحتفظ ببيانات حسابك وسجل دوراتك طول ما حسابك شغال، عشان تقدر ترجع لشهاداتك ودروسك.

سجلات الدفع بنحتفظ بيها للمدة اللي بيفرضها القانون المصري والجهات الضريبية.

حسب قانون حماية البيانات الشخصية المصري رقم 151 لسنة 2020، من حقك تطلب نسخة من بياناتك، أو تصحيحها، أو مسحها.

ابعتلنا على البريد الإلكتروني وهنرد عليك خلال 30 يوم. مسح بياناتك بيلغي وصولك للدورات، فبننبهك على ده قبل ما ننفّذ.

بنستخدم تخزين محلي في المتصفح عشان نفتكر إنك مسجّل دخول ونحفظ مكان وقوفك في الدرس. مافيش كوكيز إعلانية ولا تتبّع من طرف تالت.

أي سؤال أو طلب بخصوص بياناتك، ابعتلنا على البريد الإلكتروني الموجود في صفحة التواصل.

لو عندك أي سؤال على الصفحة دي، كلّمنا من صفحة التواصل.