سياسة الخصوصية

البيانات اللي باخدها منك

• بيانات بتكتبها بنفسك: الاسم، البريد الإلكتروني، رقم الموبايل، الدولة، وأي ملاحظة بتبعتها.
• التسجيل في الورشة المجانية: الاسم والإيميل ورقم الواتساب ومجال شغلك، وحضورك للورشة.
• طلبات تدريب الفرق: اسم الشركة والمسمى الوظيفي والبلد والبرنامج وعدد المشاركين واللي عايزينه من التدريب.
• بيانات التعلّم: الدروس اللي خلصتها، مكان وقوفك في كل درس، والتكليفات اللي سلّمتها.
• بيانات الدفع: قيمة الطلب وحالته ورقمه المرجعي. بيانات الكارت نفسها بتروح لشركة الدفع مباشرة، وأنا ما بشوفهاش ولا بخزّنها.
• بيانات الاستخدام: الصفحات اللي زرتها ومن فين جيت، بنظام تحليلات بشغّله بنفسي على السيرفر بتاعي.
• ضغطات أزرار التواصل: لما تضغط على واتساب أو الإيميل أو التليفون بعدّ الضغطة. ولو عندك طلب أو محادثة مع فَطين أو تسجيل في ورشة من نفس المتصفح، بربط الضغطة باسمك عشان أرد عليك بسرعة.

بستخدمها في إيه

• تسليم الدورة اللي حجزتها وفتح وصولك للمنصة.
• الرد عليك والتواصل معاك بخصوص دورتك.
• تنفيذ الدفع والاسترداد.
• تحسين المحتوى والموقع بناءً على اللي بيتقرا فعلاً.

مين بيشوف بياناتك

ما ببيعش بياناتك ولا بأجّرها لأي جهة. بشاركها فقط مع الجهات اللي لازمة عشان الخدمة تشتغل:

• شركة الدفع الإلكتروني والشركات التابعة ليها، عشان تنفّذ عملية الدفع والاسترداد. ده بيشمل اسمك وبريدك ورقم موبايلك وقيمة الطلب.
• مزوّد البريد الإلكتروني اللي ببعتلك منه.
• شركة Meta (فيسبوك وإنستجرام)، لما تسجّل في ورشة أو تحجز أو تدفع، عشان أعرف أنهي إعلان جابك: السيرفر بتاعي بيبعتلها إيميلك ورقمك وبلدك بعد ما يحوّلهم لـ hash، ومعاهم الـ IP ونوع المتصفح ورقم الضغطة على الإعلان لو جيت من إعلان. مافيش كود تتبّع من Meta على صفحات الموقع.
• الجهات الرسمية لو طلبت كده بشكل قانوني.

مجتمع واتساب

لو انضميت لمجتمع أو جروب واتساب بتاع الورشة أو الدبلومة، رقمك بيبان لباقي الأعضاء حسب إعدادات واتساب نفسه. مش بضيف حد لجروب من غير ما يطلب، وتقدر تخرج في أي وقت.

معالجة البيانات خارج مصر

بعض الخدمات اللي بستخدمها بتعالج البيانات على سيرفرات برّه مصر. لما بتحجز أو بتدفع، إنت بتوافق على النقل ده في الحدود اللازمة لتقديم الخدمة.

مدة الاحتفاظ

باحتفظ ببيانات حسابك وسجل دوراتك طول ما حسابك شغال، عشان تقدر ترجع لشهاداتك ودروسك.

سجلات الدفع باحتفظ بيها للمدة اللي بيفرضها القانون المصري والجهات الضريبية.

محادثاتك مع فَطين باحتفظ بيها لحد 12 شهر عشان أراجع جودة الردود وأحسّنها، وتقدر تطلب مسحها في أي وقت.

حقوقك

حسب قانون حماية البيانات الشخصية المصري رقم 151 لسنة 2020، من حقك تطلب نسخة من بياناتك، أو تصحيحها، أو مسحها.

ابعتلي على البريد الإلكتروني وهرد عليك خلال 30 يوم. مسح بياناتك بيلغي وصولك للدورات، فبنبّهك على ده قبل ما أنفّذ.

الكوكيز

بستخدم تخزين محلي في المتصفح عشان أفتكر إنك مسجّل دخول وأحفظ مكان وقوفك في الدرس. مافيش كوكيز إعلانية ولا تتبّع من طرف تالت.

التواصل بخصوص الخصوصية

أي سؤال أو طلب بخصوص بياناتك، ابعتلي على البريد الإلكتروني الموجود في صفحة التواصل.