الشروط والأحكام

إيه اللي بتشتريه

لما تحجز دورة مباشرة، بتشتري مقعد في دفعة ليها مواعيد محددة، ومعاه تسجيلات المحاضرات ومواد الدورة والوصول لمنصة التعلّم.

لما تشتري دورة مسجّلة، بتشتري وصول لمحتوى جاهز تتفرج عليه في وقتك.

تفاصيل كل دورة، من عدد المحاضرات للمواعيد للمدة، مكتوبة في صفحة الدورة نفسها، وهي الأساس لو حصل أي خلاف.

كل المواد، من الفيديوهات للملفات للـ workflows، ملك لينا ومرخّصة ليك للاستخدام الشخصي.

ممنوع تعيد نشرها أو تبيعها أو ترفعها في أي مكان تاني. المخالفة بتوقف وصولك من غير استرداد، ومن حقنا نتصرف قانونياً.

اللي تبنيه إنت بنفسك في التمارين ملكك، وإنت حر فيه، وده الهدف أصلاً.

الدورات المباشرة فيها نقاش وأسئلة. الاحترام مطلوب من الجميع. أي إساءة أو تعطيل متكرر بيتم إيقاف المقعد بسببه، وبيتم تقييم الاسترداد حسب المرحلة.

الشهادة بتصدر لما تخلّص دروس الدورة وتعدّي التكليفات المطلوبة. كل شهادة ليها رقم، وأي حد يقدر يتأكد منها من صفحة التحقق على الموقع.

الشهادة بتثبت إنك خلصت الدورة، وهي مش معادلة لشهادة جامعية ولا معتمدة من جهة حكومية.

كل الأسعار بالجنيه المصري ما لم يُذكر غير كده، وشاملة أي رسوم. مافيش رسوم إضافية بتتحط عليك وقت الدفع.
الدفع بيتم من خلال شركة دفع إلكتروني مرخّصة. إحنا ما بنشوفش ولا بنخزّن بيانات الكارت بتاعك.
لو الدفع اتم وما وصلكش وصول، كلّمنا وهنحلها.

سياسة الاسترداد مكتوبة بالكامل في صفحة منفصلة، وهي جزء من الشروط دي.

بنبذل مجهودنا إن المحتوى يكون دقيق ومحدّث، لكن الدورة تعليمية ومش استشارة مهنية لحالة بعينها.

مسؤوليتنا في أي حالة مش هتزيد عن المبلغ اللي دفعته في الدورة.

ممكن نعدّل الشروط دي. التعديل بيسري على الحجوزات الجديدة بس، ومش بيأثر على دفعة إنت حاجزها بالفعل.

الشروط دي بتخضع لقوانين جمهورية مصر العربية، والمحاكم الاقتصادية بالقاهرة هي المختصة بأي نزاع.

لو عندك أي سؤال على الصفحة دي، كلّمنا من صفحة التواصل.