ورشة ابني معايا · مجانية · لايف على Zoom
أول AI Agent ليك: فورم طلبات بيرد على العميل بإيميل لوحده
في 90 دقيقة لايف هنبني سوا أول AI Agent ليك. العميل بيملا فورم على Tally باسمه وإيميله وطلبه، والفورم بيبعت الطلب لـ n8n، والـ AI Agent بيكتب رسالة تأكيد بالعامية فيها اسم العميل وتفاصيل طلبه، و Gmail بيبعتها على إيميله في ثواني. مش محتاج تكون مبرمج، ومفيش كود.
- 90 دقيقة
- مجانية
هتخرج بإيه
- فورم طلبات على Tally شغّال بلينك تبعته لعملائك
- workflow على n8n بيستلم كل طلب أول ما يتبعت، حتى وانت قافل الصفحة
- AI Agent بيكتب رسالة تأكيد باسم العميل وتفاصيل طلبه، و Gmail بيبعتها لوحده
- ملف الـ workflow جاهز تعمله import، والـ prompt تعدّله على شغلك
محتاج تجهّز إيه
لابتوب عليه Chrome، وحساب Gmail. قبل الورشة افتح حسابين، وكل واحد بياخد حوالي 5 دقايق: حساب n8n Cloud التجريبي المجاني من n8n.io (مش محتاج كارت، والـ AI هيشتغل برصيد n8n المجاني من غير API key)، وحساب مجاني على tally.so. سجّل في الاتنين بنفس حساب Google اللي هتبعت منه الإيميلات.
الورشة دي ليك لو
- عندك بيزنس بيستقبل طلبات أو حجوزات، والرد على كل واحد بإيدك واخد وقتك
- بتشتغل في المبيعات أو خدمة العملاء أو الإدارة وعايز تشوف AI Agent بيتبني قدامك خطوة بخطوة
- بتفكر في دبلومة AI Automation وعايز تجرّب طريقة الشرح قبل ما تقرر
م. محمد عبدالجواد
AI & Automation Tech Lead at a Multinational Company
بدرّس دلوقتي 44 دارس من مصر والسعودية.
اعرف عني أكتر ←أسئلة شائعة
الورشة مجانية فعلاً؟
أيوه. في آخرها بكلمك حوالي 10 دقايق عن الدبلومة، ومش مطلوب منك أي حاجة.
هيبقى في تسجيل؟
أيوه، الريبلاي بيوصل لكل المسجّلين، وتقدر ترجعله بعدين من نفس اللينك. اللي بيخلص بعد 72 ساعة هو كود خصم الدبلومة بس.
لازم أبني معاك وأنا بتفرج؟
يفضّل، بس لو حبيت تتفرج بس، الملف هيوصلك بعدها.
مش مبرمج، هفهم؟
الورشة معمولة لناس مش مبرمجين. مفيش كود.